ЭСҮТөвийн захирлын тушаалаар 2005 онд байгууллагын чанарын менежерын орон тоо батлагдан  чанарыг сайжруулах үйл ажиллагааг зохион байгуулж эхэлсэн.

• 2008 онд захирлын 15 дугаар тушаалаар Чанарын алба байгуулан, 2008-2012 онуудад даргаар нь Б.Оюун-Эрдэнэ
• 2012-2014 онуудад чанарын албаны даргаар М.Пагамдулам   
• ЭСҮТөвийн захирлын 2014 оны А/35 тоот тушаалаар ЭТҮЧАлба байгуулагдан, 2015-2016 онуудад чанарын албаны даргаар  Б.Уранчимэг
• 2016 оноос ЭТҮЧАлба нь чанарын албаны дарга Э.Ундармаа, чанарын менежер Б.Батгиймаа гэсэн бүрэлдэхүүнтэйгээр ажиллаж байна.

Чанарын албаны үйл ажиллагааны чиглэл:

1. Алба нь Эрүүл мэндийн тухай хууль болон бусад хууль тогтоомж, төвийн захирлын баталсан тушаал, шийдвэр, албан даалгавар, заавар, дүрэм, журмыг баримтлан, төвийн хэмжээнд эмгэг судлалын тусламж, үйлчилгээний чанарын удирдлагын тогтолцоонд нийцүүлэн чанарыг тасралтгүй сайжруулах үйл ажиллагааг зохион байгуулах, чанар, аюулгүй байдалд дотоод хяналт тавих үндсэн үүргийг гүйцэтгэнэ.
2. Эмгэг судлаач эмч нарын эмгэг судлалын протоколын бичилт, амьд ахуйн эд, эсийн шинжилгээний онош, дүгнэлт, лаборант нарын бичиг баримтын хөтлөлт, гистологи бэлдмэл болон эмнэлгийн бусад ажилтнуудын ажлын гүйцэтгэлд чанарын хяналт тавина.
3. Илэрсэн зөрчлийг арилгуулах, эрсдэлээс урьдчилан сэргийлэх, эмгэг судлалын тусламж, үйлчилгээний аюулгүй байдлыг хангуулах, цаашид авч хэрэгжүүлэх арга хэмжээний талаар мэргэжил, арга зүйн зөвлөмж, зөвлөгөө өгч, санал боловсруулж ажиллана.

Чанар, аюулгүй байдлын албаны дарга Э.Ундармаа 1996 онд Анагаах Ухааны Их Сургуулийг хүний их эмч мэргэжлээр төгссөн 1997-1998 онд Анагаах Ухааны Их Сургуульд эмгэг судлал, шүүх эмнэлгийн эмчийн мэргэжил олгох сургалтад хамрагдсан. 2002 онд Герман улсын Мюнхен хотын Эмгэг судлалын институтэд эмгэг судлалын чиглэлээр 2009 онд БНСУ-ын Асан анагаах ухааны төвд эмгэг судлалын чиглэлээр 2010 онд Эмгэг судлаач эмчийн “Ахлах зэрэг” 2017 онд Эмгэг судлаач эмчийн “Тэргүүлэх зэрэг” хамгаалсан. 2018 онд Япон улсад (JICA) Эмгэг судлаач эмчийн төгсөлтийн дараах мэргэшүүлэх сургагч багш 2018 онд Япон улсын Хирошима их сургуульд “Уушги тоосжих өвчин ба асбестозын шалтгаант уушгины хавдрын эрт үеийн оношилгоо”-ны чиглэлээр 2019 он SFCS ХХК-д Чанарын удирдлагын тогтолцоо ISO 9001:2015 стандартын сургалтад тус тус хамрагдсан.

Чанарын албаны менежер Б.Батгиймаа 1995 онд Анагаах ухааны дээд сургуулийг хүний их эмчийн мэргэжлээр 2002 онд Улсын нэгдүгээр төв эмнэлгийн төгсөлтийн дараах сургалтыг дотрын их эмчийн мэргэжлээр 2006 онд Анагаахын шинжлэх ухааны их сургуулийн  төгсөлтийн дараах сургалтыг гастоэнтерологийн их эмчийн мэргэжлээр 2007 онд Хавдар судлалын үндэсний төвд дурангийн эмчийн төрөлжсөн мэргэжлийн сургалтанд тус тус хамрагдсан.