2017 оны 3 сарын 9-нд ЭСҮТ-ийн Эрдмийн зөвлөлийн хурал болж, Монгол улсын Шинжлэх ухаан технологийн сангаас 2018 онд хэрэгжүүлэх захиалгат 4 төслийн төслийн саналыг хэлэлцлээ. Үүнд:
- Эрхтэн шилжүүлэн суулгасны дараах эсийн амьдралын хугацаа, эдийн ховхролыг биопсийн шинжилгээгээр судлах
- Тунгалгийн зангилааны эмгэгийн үед иммуногистохимийн оношилгооны технологийг нутагшуулах нь
- Хүүхэд ба насанд хүрэгчдийн бөөрний түүдгэнцэрийн эмгэгүүдийг эд судлалын өвөрмөц будгийн болон иммунофлюренсценцийн аргаар ялган оношлох нь
- Улаанбаатар хотын насанд хүрэгчдийн амьсгалын замын хорт хавдар, түүний урьдал эмгэгийг эрт илрүүлэх
Эрдмийн зөвлөлийн гишүүдээс төслийн талаар хэлэхдээ: цаг үеээ олсон, тулгамдсан асуудлыг хөндсөн байна хэмээн сайшааж, төслүүдийн бичилтийг сайжруулан эрдэмтдийн санал, зөвлөмжийг тусган ЭМЯ-нд хүргүүлэх шийдвэр гаргалаа.
Мөн 2016 оны 12 сарын 12-нд хуралдсан Эрдмийн зөвлөлийн хурлаар ЭСҮТ-ийн судалгаа, шинжилгээний ажлын тэргүүлэх чиглэлийг дараах чиглэлүүдээр тодорхойлсон юм. Үүнд:
А. Хорт хавдрын эрт үеийн эмгэг судлалын оношлогооны асуудал
- Хоол боловсруулах эрхтэн тогтолцооны хорт хавдрын эрт үеийн амьд сорьцын шинжилгээ /улаан хоолой, ходоод, элэг/
- Шээс бэлгийн замын амьд сорьцын шинжилгээ /бөөр, давсаг, түрүү булчирхай, өндгөвч, умайн хүзүү, төмсөг/
Б. Пренаталь үеийн эмгэг судлалын оношлогооны асуудал /хөгжлийн гажиг/
Ийнхүү ЭСҮТ нь судалгаа, шинжилгээний ажлын тэргүүлэх чиглэлийг тодорхойлсноор эмгэг судлаач эмч, мэргэжилтнүүдийн эрдэм судалгааны ажлыг эрхлэх сэдлийг хөхүүлэн дэмжиж, улмаар эмгэг судлалын салбарын хөгжилд түлхэц үзүүлэх болно.
.png)
